آخر
تطورات الموبايلات ،,,, شركة نوكيا قالت انها هتتكفل يإنتاج موبايل من تصميم
شركة
اسمها( Dior )والشركة دي بتصنع شوية موبايلات علي احدث طراز وتكنولوجيا عاليه جداا
ده غيرتصاميمها وشكلها الخارجي التحفه وعملولنا 3 الوان احمر واسود وفضي تقريبا مش عارف اللون ده
ابقي قولوا انتوا
، و الموبايل ده لسه منزلش ف دبي ولا ف اي سوق عربيه
بس SOooooOn
ادينا مستنييين .. يا هااااااااادي
نخش بقا ع التقيييييل
نوكيـــــــــا 5800
ونقف عند الموبايل ده شوية.. لان الموبايل ده كارثه
متقلقوش كارثه يعني موبايل جامد وانا من رايي الشخصي ان نوكيا حطت احلي تصميماتها
واعلي امكانياتها ف الجهاز ده كمان من رايي ان الجهاز ده تفوق علي ال اي فون
تعالوا كده نعمل مقارنه صغيره بين الجهازين
الميموري
نوكيا5800 جواه ذاكره داخليه 81
ميجا بايت ده غير الميموري الخارجي اللي هي micro
16 جيجا يعني هارد كمبيوتر
بالنسبه لل آي
فون فده ملهوش ميموري بس فيه ميموري داخلي 8 جيجا بايت (مش بطال)
و 16 جيجا بايت بس العجيب انه مش بيشيل اكتر من كده وملوش مموري خارجي ..ما علينا
مشغل الفلاش
شركة أدوبي منزله الخدمه دي علي 5800 اما الاي فون مفيهوش الكلام ده
وده بيفيد للجماعه بتوع النت واليوتيوب والكلام ده
انا موعاش هما اللي حكولي
ده غير كمان ان بطارية النوكيا بتقعد مده اطول وممكن تبلها ف اي وقت ومتوفره
والكاميرا كمان احسن وانقي
موسيقى مجانية
ودي الخدمه الجديده اللي عملتها نوكيا 5800
الجهاز لما بنشتريه جديد بيبقي عليه مكتبة اغاني حوالي 1000 اغنية مجانا
وتقريبا سنه تنزيل ببلاش من الموقع
اهم حاجه بقي السـعـر
نوكيا
اكسبرس ميوزيك 5800 سعره حوالي 390 دولار مش عارف كام مصري احسبوها انتوا
سعرال
آي فون ثري جي 8 جيجا بايت من 600 إلى 700 دولار أمريكي بيتهيألي أن
الفرق واضح جدااا ً
يللا كفيه كده النهارده نكمل قريب ان شاء الله
اهم حاجه متتضايقوش مني عشان اسلوب العاميه اللي اتكلمت بيه ده
بس بتخنق لما افضل اكتب فصحي بس هحاول بعد كده.. ان شاااء الله